أبو يوسف : يا عمي معقول يطلع حزب الله هوي يللي إغتال الحريري ؟؟
أبوسليم : و الله يمكن . بيظهر إنو المسألة جدية يا أبو يوسف, و هيئتو الحزب متورط بالعملية.
أبو يوسف : بس عمينحكا إنو مش الحزب الحزب يعني , عمينحكا إنو المتورطين عناصر غير منضبطة من الحزب يابو سليم . هيك إقترح سعد الحريري على السيد إنو يلاقي مخرج لهالورطة.
أبو سليم (ضاحكا) : سعد الحريري عمبيفتشلو عن مخرج للسيد ؟؟ كيف يعني عناصر غير منضبطة , يعني عناصر فاتحة عاحسابا مثلا؟ يعني إذا بدنا نسلم بهالفرضية فعلى أيا مستوى هالعناصر الغير منضبطة يا أبو سليم , من أيا صف يعني؟ يعني مسؤولين من الصف الأول بالحزب و إلا ممكن يكونو من جماعة الإنضباط مثلا يللي مهمتهون تنظيم السير بالضاحية ؟ يعني ممكن يطلع وفيق صفا و نواف الموسوي عناصر غير منضبطة ؟ مش معقول . إذا ثبت يا أبو يوسف إنو الحزب هوي يلي عامل هالعملة فبيكونوا عناصر منضبطة يللي مخططين و محضرين و منفذين . عناصر منضبطة و مكترا.
أبو يوسف : و دخلك ليش حاسمها إنت هالقد إنو الحزب نفسو و مش مجموعة من العناصر الغير منضبطة ؟؟
أبو سليم : لأنو هيك عملية كبيرة بدا مجموعة كبيرة تنفذا , يعني هيدي عملية ضخمة , و بدا عدد كبير من العناصر الغير منضبطة , عدد كبير لدرجة إنو كافي يشق الحزب , و أنا مش على علمي إنو صار الحزب حزبين , يعني ما سمعنا إنو صار في حزب الله-المجلس الثوري و حزب الله-الإنتفاضة مثلا .
أبو يوسف : طيب شو ممكن يصير إذا تبين إنو حزب الله شخصيا متورط بالإغتيال ؟ يعني مشكلة كبيرة و ممكن تعمل فتنة كبيرة.
أبو سليم : والله شو ممكن يصير يا أبو يوسف ما كتير الأمور واضحة بالنسبة لإلي , بس أنا فيني قلك شو لازززم يصير مش شو ممكن يصير .
أبو يوسف : و شو لازم يصير برأيك ؟؟
أبو سليم : لازم نسألو ليه !!!
لازم نسألو ليه و نفهم منو للحزب ليش قتل الحريري , يعني شو الأسباب , يحددولنا الأسباب لأنو نحنا ضعنا .
يعني إغتالوه عشان القرار 1559 أو كرمال محاولاته الدائمة لإلغاء المؤسسات و الرئاسات و إختصارها بشخصه ؟
كرمال تخصيصه معاش شهري لرئيس الجمهورية و تحويله لموظف عنده أو كرمال المناداة بالديمقراطية و حكم المؤسسات و إختراع الترويكا بدالها؟
كرمال مشروع سوليدير و هضم حقوق المالكين , أو كرمال خصخصة بعض القطاعات الحيوية بعهده والسعي الدائم لخصخصة القطاعات الباقية ؟
كرمال تحطيم الأرقام القياسية بجعل أغلى فاتورة خليوي بالعالم بلبنان أو كرمال السنيورة يللي آجا بحكومته وزير مالية ؟
كرمال السنيورة يللي آجا أو كرمال الربيع يللي ما آجا ؟
كرمال شو ؟؟ !!
كرمال الضريبة على القيمة المضافة يللي دفعها للمعترين و ما قدملون شي بالمقابل أو كرمال الرشاوى الإنتخابية يللي دفعها ليجيب غنوة جلول و يسقط سليم الحص؟
كرمال الدين العام يللي صار 50 مليار دولار أو كرمال ثروته يلي زادت أضعاف من وقت ما آجا "الشبعان يللي مش بعينو" ؟
كرمال تمويل الميليشيات المتناحرة أثناء الحرب الأهلية أو كرمال السعي أواخر التمانينات لتنصيب جوني عبدو رئيس جمهورية أو كرمال شو ؟؟ !!
بعد في كتير فبدنا نعرف كرمال شو ؟
لازم نطلب منهون شرح مفصل يشرحولنا فيه أسبابون ... بس بإختصار.
يعني هون بيبلش الحوار الوطني .
أبوسليم : و الله يمكن . بيظهر إنو المسألة جدية يا أبو يوسف, و هيئتو الحزب متورط بالعملية.
أبو يوسف : بس عمينحكا إنو مش الحزب الحزب يعني , عمينحكا إنو المتورطين عناصر غير منضبطة من الحزب يابو سليم . هيك إقترح سعد الحريري على السيد إنو يلاقي مخرج لهالورطة.
أبو سليم (ضاحكا) : سعد الحريري عمبيفتشلو عن مخرج للسيد ؟؟ كيف يعني عناصر غير منضبطة , يعني عناصر فاتحة عاحسابا مثلا؟ يعني إذا بدنا نسلم بهالفرضية فعلى أيا مستوى هالعناصر الغير منضبطة يا أبو سليم , من أيا صف يعني؟ يعني مسؤولين من الصف الأول بالحزب و إلا ممكن يكونو من جماعة الإنضباط مثلا يللي مهمتهون تنظيم السير بالضاحية ؟ يعني ممكن يطلع وفيق صفا و نواف الموسوي عناصر غير منضبطة ؟ مش معقول . إذا ثبت يا أبو يوسف إنو الحزب هوي يلي عامل هالعملة فبيكونوا عناصر منضبطة يللي مخططين و محضرين و منفذين . عناصر منضبطة و مكترا.
أبو يوسف : و دخلك ليش حاسمها إنت هالقد إنو الحزب نفسو و مش مجموعة من العناصر الغير منضبطة ؟؟
أبو سليم : لأنو هيك عملية كبيرة بدا مجموعة كبيرة تنفذا , يعني هيدي عملية ضخمة , و بدا عدد كبير من العناصر الغير منضبطة , عدد كبير لدرجة إنو كافي يشق الحزب , و أنا مش على علمي إنو صار الحزب حزبين , يعني ما سمعنا إنو صار في حزب الله-المجلس الثوري و حزب الله-الإنتفاضة مثلا .
أبو يوسف : طيب شو ممكن يصير إذا تبين إنو حزب الله شخصيا متورط بالإغتيال ؟ يعني مشكلة كبيرة و ممكن تعمل فتنة كبيرة.
أبو سليم : والله شو ممكن يصير يا أبو يوسف ما كتير الأمور واضحة بالنسبة لإلي , بس أنا فيني قلك شو لازززم يصير مش شو ممكن يصير .
أبو يوسف : و شو لازم يصير برأيك ؟؟
أبو سليم : لازم نسألو ليه !!!
لازم نسألو ليه و نفهم منو للحزب ليش قتل الحريري , يعني شو الأسباب , يحددولنا الأسباب لأنو نحنا ضعنا .
يعني إغتالوه عشان القرار 1559 أو كرمال محاولاته الدائمة لإلغاء المؤسسات و الرئاسات و إختصارها بشخصه ؟
كرمال تخصيصه معاش شهري لرئيس الجمهورية و تحويله لموظف عنده أو كرمال المناداة بالديمقراطية و حكم المؤسسات و إختراع الترويكا بدالها؟
كرمال مشروع سوليدير و هضم حقوق المالكين , أو كرمال خصخصة بعض القطاعات الحيوية بعهده والسعي الدائم لخصخصة القطاعات الباقية ؟
كرمال تحطيم الأرقام القياسية بجعل أغلى فاتورة خليوي بالعالم بلبنان أو كرمال السنيورة يللي آجا بحكومته وزير مالية ؟
كرمال السنيورة يللي آجا أو كرمال الربيع يللي ما آجا ؟
كرمال شو ؟؟ !!
كرمال الضريبة على القيمة المضافة يللي دفعها للمعترين و ما قدملون شي بالمقابل أو كرمال الرشاوى الإنتخابية يللي دفعها ليجيب غنوة جلول و يسقط سليم الحص؟
كرمال الدين العام يللي صار 50 مليار دولار أو كرمال ثروته يلي زادت أضعاف من وقت ما آجا "الشبعان يللي مش بعينو" ؟
كرمال تمويل الميليشيات المتناحرة أثناء الحرب الأهلية أو كرمال السعي أواخر التمانينات لتنصيب جوني عبدو رئيس جمهورية أو كرمال شو ؟؟ !!
بعد في كتير فبدنا نعرف كرمال شو ؟
لازم نطلب منهون شرح مفصل يشرحولنا فيه أسبابون ... بس بإختصار.
يعني هون بيبلش الحوار الوطني .
ليست هناك تعليقات:
إرسال تعليق